Agentlik yangiliklari
Agentlik yangiliklari
Konstitutsiyasi kuni munosabati bilan ma‘naviy-ma‘rifiy tadbir o‘tkazildi
Konstitutsiya – davlatning asosiy qonuni. U davlat tuzilishini, hokimiyat va boshqaruv organlari tizimini, ularning vakolati hamda shakllantirilish tartibi, saylov tizimi, fuqarolarning huquq va erkinliklari, jamiyat va shaxsning o‘zaro munosabatlari, shuningdek, sud tizimini hamda davlat va jamiyatning o‘zaro munosabatlarini belgilab beradi.
8-dekabr – O‘zbekiston Respublikasi Konstitutsiyasi kuni munosabati bilan O‘zbekiston Respublikasi Sport vazirligi majlislar zalida vazirlik va O‘zbekiston Milliy antidoping agentligi xodimlari ishtirokida davra suhbati bo‘lib o‘tdi.
Tadbirda Respublika Ma‘naviyat va ma‘rifat markazi, “Ma‘rifat” targ‘ibotchilar jamiyati eksperti, Toshkent davlat iqtisodiyot universiteti dotsenti, siyosiy fanlari doktori - Yo‘ldasheva Mahfuzaxon Qobiljonovna “Konstitutsiyam-qadr qimmatim!” mavzusida yangilangan Konstitutsiyamizning mazmun-mohiyati yuzasidan ma‘ruza bilan ishtirok etdi.
