Соғлом ва ҳаққоний спортни ривожлантириш ва спортнинг асл моҳиятини сақлаб қолиш ҳамда спортчининг тоза спортдаги хақ-ҳуқуқларини ҳимоя қилиш мақсадида УзНАДА ҳар бир спортчи майдонга тушганда ҳаққоний ва ҳар хил турдаги тақиқланган дори воситаларисиз курашишга чорлайди.

Ўзбекистон Миллий антидопинг агентлиги мамлакатда ҳалол спорт тарафдорларини ҳамкорликка чорлайди. Бунинг учун сиз допинг истеъмоли ёки шунга дават қилаётган шахслар тўғрисида маълумотларга эга бўлсангиз расмий веб-сайтимизнинг бош саҳифасида жойлашган “Допинг ҳақида хабар беринг” тугмаси орқали мурожаат қилишингизни сўраймиз. Сиз ҳақингиздаги маълумотлар сир сақланади. Ҳалол спорт йўлида биз билан ҳамкорлик қилганингиз учун миннатдормиз!

Тоза Спорт билан боғлиқ қийматлар

Анти-допинг дастурлари спортнинг муҳим қийматларини сақлаш учун ташкил қилинган. Бу муҳим қийматлар одатда «Спорт руҳи» деб ҳам аталади: ҳар бир спортчининг табиий истедодларини фидокорона такомиллаштириш орқали инсоний юксакликка ахлоқий интилиш.

Антидопинг дастурлари спортчиларнинг соғлиғини ҳимоя қилиш ва спортчиларга тақиқланган моддалар ва тақиқланган усуллардан фойдаланмасдан инсоний юксакликка эришиш имконини бериш учун мўлжалланган.

Антидопинг дастурлари бошқа иштирокчиларнинг қоидаларини ҳурмат қилиш, адолатли рақобат, тенг ўйин майдони ва тоза спортнинг дунё учун аҳамияти нуқтаи назаридан спортнинг яхлитлигини таъминлашга қаратилган.

Спорт руҳи - бу инсон руҳи, танаси ва онгининг байрамидир. Бу олимпизмнинг моҳиятидир ва биз спортда ва спорт орқали топадиган қадриятларда ўз аксини топади, жумладан:

- Соғлиқ

-Эстетика, ҳаққоний ўйин ва ростгўйлик

-Кодексда берилган спортчининг ҳақ ҳуқуқлари

-Ишлашдаги самарадорлик

-Хусусиятлар ва Таълим

-Қувонч ва шодлик

-Жамоавий иш

-Фидойилик ва мажбурият

-Қонун ва қоидаларга ҳурмат

-Ўзига ва бошқаларга бўлган ҳурмат

-Жасорат

-Ҳамжамият ва ҳамжихатлик