Агентлик янгиликлари
Агентлик янгиликлари
Спорт маликаларига АДАМС ва ТИ бўйича тушунчалар берилди
Ўзбекистон Республикаси Миллий антидопинг агентлиги, Антидопинг таълим дастурлари бўлими томонидан бадиий гимнастикачилар ва мураббийлар учун «допинга қарши курашиш, АДАМС платформаси ва терапевтик истиснолар» мавзусида ўқув-семинар ўтказилди.
Семинар давомида мутахассислар спортда — рақобатбардош спортчиларнинг спорт кўрсаткичларини оширувчи, тананинг жисмоний ёки психологик фаоллигини вақтинча оширувчи, ноқонуний дори воситаларини қўллаш; организмга ножўя таъсир кўрсатадиган ва махсус аниқлаш усуллари мавжуд бўлган биологик фаол моддалар, спорт кўрсаткичларини мажбурий ошириш усуллари ва кўп сонли дори-дармонлар машғулот ёки мусобақа пайтида спортчилар учун тақиқланган мақомига эга эканлигини таъкидлаб ўтишди.
Семинар давомида спортчилар ва спорт мураббийлари ўзларини қизиқтирган саволлар билан мутахассисларга юзланишди ва керакли тавсияларни олишди. Бу каби ўқув-семинарлар мамлакатимизнинг барча ҳудудига борган ҳолда мунтазам равишда ўтказиб келинмоқда.
