“O‘zbekiston — 2030” strategiyasida vazirlik va idoralarga ustuvor yo‘nalishlar belgilab berilgan. Jumladan, har bir insonga o‘z salohiyatini ro‘yobga chiqarish uchun munosib sharoitlar yaratish, barqaror iqtisodiy o‘sish orqali aholi farovonligini taʼminlash, suv resurslarini tejash va atrof-muhitni muhofaza qilish, qonun ustuvorligini taʼminlash, xalq xizmatidagi davlat boshqaruvini tashkil etish, “xavfsiz va tinchliksevar davlat” tamoyiliga asoslangan siyosatni izchil davom ettirish kabi yo‘nalishlar belgilangan.

Mazkur farmon va qarorlarda belgilangan topshiriqlar ijrosini taʼminlash maqsadida O‘zbekiston Respublikasi Milliy antidoping agentligi ham chora-tadbirlar rejasini ishlab chiqqan va rejaga asosan ishlar amalga oshirilmoqda.

 Bugun, “O‘zbekiston — 2030” strategiyasi asosida ishlab chiqilgan chora-tadbirlar rejasida belgilangan vazifalar ijrosi yuzasidan yig‘ilish bo‘lib o‘tdi. Yig‘ilishda Agentlik direktori A.Sadikov belgilangan vazifalarni o‘z vaqtida va sifatli amalga oshirilishi yuzasidan bo‘limlarga yuklangan topshiriqlar ijrosini ko‘rib chiqdi va oldinda bajarilishi lozim bo‘lgan ishlar to‘g‘risida qatʼiy topshiriqlar berildi.