Агентлик янгиликлари
Агентлик янгиликлари
Yaponiyada antidoping taʼlim dasturlari bo‘yicha yillik simpozium o‘tkazilmoqda
Bugungi kunda butun dunyoda global muammoga aylanib borayotgan doping masalasi ko‘pchilikni o‘ylantirayotgani tabiiy. Dopingni oldini olish, musobaqalarda halol raqobatni yo‘lga qo‘yish borasida tizimli ishlar amalga oshirib kelinmoqda.
Shu maqsadda ayni kunlarda Yaponiyada antidoping taʼlim dasturlari bo‘yicha yillik simpozium bo‘lib o‘tmoqda. Mazkur simpoziumda WADAga aʼzo mamlakatlar masʼul rahbar xodimlari onlayn va oflayn tarzida ishtirok etmoqda.
Simpoziumda antidoping taʼlim dasturlariga alohida eʼtibor qaratish lozim ekanligi, yangilangan taʼlim dasturlari hamda 2027 yilda yangilanishi nazarda tutilgan Kodeks yuzasidan amalga oshirilayotgan ishlar to‘g‘risida maʼlumot berilmoqda.
O‘zbekiston Milliy antidoping agentligi rahbar xodimlari ham ushbu simpoziumda onlayn tarzda ishtirok etishmoqda. Kecha ish boshlagan yillik simpozium bugun yakunlanadi va simpozium davomida muhim qarorlar qabul qilinadi. Zero, bu kabi qilinayotgan ishlarning barchasi mamlakatni dopingdan xoli hududga aylantirish borasidagi ishlardir.
