Агентлик янгиликлари
Агентлик янгиликлари
Bokschilarga antidoping o‘quv-seminari o‘tkazildi
To‘rt yillikning eng nufuzli sport bayrami hisoblangan Olimpiya va paralimpiya o‘yinlari Fransiyaning Parij shahrida bo‘lib o‘tadi.
Ushbu nufuzli musobaqaga tayyorgarlik allaqachon boshlab yuborilgan. Hozirgi kunda mamlakat federatsiya va assotsiatsiyalari turli o‘quv mashg‘ulot bazalarida tayyorgarlikni olib borishmoqda. Shulardan biri boks terma jamoasidir.
Toshkent viloyatida joylashgan "Yangiobod sport bazasi"da o‘quv-mashg‘ulot yig‘inini o‘tkazayotgan boks bo‘yicha terma jamoa aʼzolari jismoniy va psixologik jihatdan tayyorgarlik olib borishmoqda. Shu bilan bir qatorda sportchilarga antidoping sohasidagi bilimlarini yana-da mustahkamlash O‘zbekiston Milliy antidoping agentligi oldida turgan asosiy vazifadir.
Shu maqsadda O‘zbekiston Milliy antidoping agentligi mutaxassislari tomonidan terma jamoa shifokorlari, sportchilar va tibbiyot xodimlarini antidoping sohasida malakalarini oshirish bo‘yicha seminar trening o‘tkazildi. Seminarda, terapevtik istisno nima, antidoping qoidabuzarlik turlari, ADAMS tizimini to‘g‘ri yuritish, sportchi va doping ofitserining huquq va majburiyatlari to‘g‘risida maʼlumotlar berildi.
