Parij 2024 Olimpiya va paralimpiya o‘yinlari davomida antidoping dasturini amalga oshirish Xalqaro testlash agentligi (ITA) tomonidan amalga oshirildi.

Eng ko‘p doping testlari AQSh, Fransiya, Xitoy va Avstraliya kabi eng yirik delegatsiyalarga tegishli sportchilarga nisbatan o‘tkazildi. Shuningdek, yengil atletika, suv sporti, velosport, eshkak eshish va kurash kabi sport turlarida tekshiruvlar soni eng yuqori bo‘ldi.

Barcha testlarning taxminan uchdan biri musobaqa davomida, qolgan qismi esa musobaqadan tashqari amalga oshirildi. O‘yinlar davomida 200 ta mamlakat va Olimpiadada ishtirok etgan sportchilarning 97% ini o‘z ichiga oldi.

Olimpiya o‘yinlaridan oldingi olti oy ichida barcha ishtirokchi sportchilarning qariyb 90% i musobaqadan avval kamida bir marta tekshiruvdan o‘tdi. Bu esa Parij 2024 oldidan mustahkam antidoping nazorat tizimini ta‘minladi. ITA shuningdek, 40 dan ortiq antidoping qoidabuzarligi aniqlanganini ma‘lum qildi, bu esa Olimpiya o‘yinlarida qatnashishi kutilgan sportchilarni o‘z ichiga oladi.

ITAning antidoping strategiyasi oldindan o‘tkazilgan keng qamrovli xavf tahliliga asoslandi. Bu tahlil quyidagi omillarni o‘z ichiga oldi:

- Turli sport turlarining o‘ziga xos fiziologik xususiyatlari
- Ayrim sportchilarga oid shaxsiy ma‘lumotlar
- Mamlakatlarga xos doping xavf darajalari

Parij 2024 antidoping dasturining asosiy natijalari

- Parij 2024 davomida 5 ta antidoping qoidabuzarligi aniqlandi.
- Ushbu sportchilar zudlik bilan musobaqalardan chetlatildi.
- Ishlar Xalqaro Sport Arbitraj Sudi (CAS ADD) va tegishli federatsiyalarga yakuniy qaror chiqarish uchun topshirildi.
- Parijdagi WADA akkreditatsiyadan o‘tgan laboratoriya tomonidan 6,130 ta namunakar tahlil qilindi.

Antidoping faoliyatining amalga oshirilishi

- 30 dan ortiq antidoping mutaxassislari ITA nomidan nazorat olib bordi.
- ITA Fransiya antidoping agentligi (AFLD) bilan hamkorlikda ish olib bordi.
- 266 ta doping va qon nazorati xodimi, 570 nafar kuzatuvchi (Chaperone) va ko‘plab ko‘ngillilar ushbu antidoping jarayonlariga jalb qilindi.
- WADA mustaqil kuzatuvchilari antidoping kodeks va xalqaro standartlarga rioya etilishini nazorat qilib bordi.

Innovatsiyalar va texnologik rivojlanish

- Qog‘ozsiz tizim: Tokio 2020 da joriy etilgan qog‘ozsiz nazorat tizimi Parij 2024 da yana-da takomillashtirildi.
- Sportchilarning joylashuvini aniqlash tizimi: Musobaqadan tashqari tekshiruvlar uchun ITA maxsus dastur ishlab chiqdi.
- 200 dan ortiq Milliy Olimpiya qo‘mitalari bilan samarali aloqa ADCOM platformasi orqali amalga oshirildi.
- Quritilgan qon namunasi (DBS) va gen dopingi testi Parij 2024 antidoping tekshiruvlarining ajralmas qismi bo‘ldi.