Hozirgi kunda global muammoga aylanib borayotgan doping muammosi barcha mamlakatlarni chetlab o‘tmayapti. Shu o‘rinda mamlakatimizda ham bunday holatlar uchrab turibdi.
Shu kabi holatlarni oldini olish bo‘yicha O‘zbekiston Milliy antidoping agentligi tomonidan turli xil davra suhbatlari, malaka oshirish kurslari va o‘quv-seminarlari o‘tkazib kelinmoqda.
Jumladan, O‘zbekiston Milliy antidoping agentligi va O‘zbekiston Kurash federatsiyasi bilan hamkorlikda yig‘ilish o‘tkazildi. Unda, Agentlik direktori A.Sadikov va masʼullar va Kurash federatsiyasi bosh kotibi A.Eshonqulov va federatsiya masʼul xodimlari, huquqni muhofaza qilish tashkilotlari vakillari, shuningdek zoom platformasi orqali viloyatlardan kurash federatsiyasining hududiy rahbarlari va masʼul xodimlar bilan birga hududlardan yuzdan ortiq tinglovchilar ishtirok etdi.
Dastlab, A.Sadikov o‘z maʼruzasida doping sohasidagi statistik tahliliy maʼlumotlar bilan yig‘ilish ishtirokchilarini tanishtirdi. Shundan so‘ng, antidoping qoidabuzarlik turlari, terapevtik istisno olish shartlari mavzularida taqdimotlar qilindi.
Ishtirokchilar antidoping sohasida o‘zlarini qiziqtirgan savollar bilan yuzlanishdi va kerakli tavsiyalarni olishdi.
.