Флорида инновациялар ва илмий-текшириш марказининг бир гуруҳ олимлари илмий анжуман доирасида ўз ихтироларининг тақдимотини ўтказишди.

Бу спортчи организмида тақиқланган стероидларнинг заррача қолдиқларини, шу жумладан «дизайнерлик», яъни доналаб яратиладиган ва кўпинча допинг-назоратида топилиши мураккаб бўлган стероидларни аниқлаш имкониятига эга махсус асбоб-ускунадир.

Янги асбоб-ускуна стероидлар молекулаларини шундай парчалайдики, эндоген (яъни организмда табиий ишлаб чиқиладиган) стероидларни экзоген (яъни сунъий) стероидлардан осон ажратиб олади ва допинг моддаларнинг молекуляр формулаларини олдиндан башорат қила олади. Эндиликда у ёки бу стероидни аниқлаш учун унинг кимёвий формуласини олдиндан билиш шарт эмас бўлиб, ихтиро қилинган асбоб-ускуна моддаларнинг қайси бири допинг қайсиниси тақиқланмаганлиги тўғрисида хулоса чиқариб беради.

Ихтирочиларнинг фикрига кўра, мазкур асбоб-ускуна ёрдамида охирги йилларда кенг ривожланган дизайнерлик стероидлар бозорини йўқ қилишга ёрдам беради.