4-6 июнь кунлари ҳақиқий спорт байрамига айланиб кетди дейиш мумкин. Қитъанинг 16 та мамлакатидан 350 нафарга яқин спортчи ғолиблик учун баҳс олиб борди.

Эътиборли томони мазкур самбо бўйича Осиё биринчилиги баҳсларида спортчилардан допинг-синамаларни олиш Ўзбекистон Миллий антидопинг агентлигига ишониб топширилди. Уч кун давомида агентлик ходимлари синамаларни олишда фаол бўлишди.

Шунингдек, мазкур Осиё чемпионати баҳсларини назорат қилиш учун Халқаро самбо федерацияси томонидан юборилган Махим Комченко томонидан ҳам агентликни иш фаолияти алоҳида эътироф этилди ва эсдалик совғалари топширилди.

Маълумот учун айтиб ўтмоқчимиз, мусобақанинг якуний натижаларига кўра, Ўзбекистон терма жамоаси самбочилари деярли барча йўналишларда жамоавий баҳсларда 1-ўринни эгаллашди. Ушбу муваффақият билан самбочиларимиз ва мураббийларни табриклаймиз. Ғалабалар бардавом бўлсин!

Миллий антидопинг агентлиги

Матбуот хизмати