Бу ҳақида Япониянинг «NHK» АА хабар берди.

Мамлакатда коронавирус пандемияси билан боғлиқ эпидемиологик вазият янада кескинлашгани сабабли Японияда фавқулодда вазият муддати 2 ойга узайтирилди. Олимпия ўйинлари ташкилотчилари мусобақани томошабинларсиз ўтказишга қарор қилишди.

Шунингдек, Сайтама, Тиба, Канагава ва Осака префектураларида ҳам коронавирус чекловлари жорий қилинади. Шу тариқа 23 июлдан 8 августгача Токиода бўлувчи Олимпиада ўйинлари вақтида фавқулодда ҳолат эълон қилинди.  

Бундан аввалроқ, Бош вазир Ёсихидэ Суга матбуот анжуманида COVID-19 га чалиниш айни кунларда, айниқса, 20 ёшдан 50 ёшгача бўлган фуқаролар орасида сезиларли ошаётганини маълум қилганди.

Олимпиада мухлислар билан ўтказиш ўта хавфли ва коронавирус пандемиясининг тўртинчи тўлқинини олиб келиши эҳтимолини эътиборга олиб, ушбу қарорни Япония шифокорлар миллий уюшмаси қабул қилди.

Маълумот учун, Японияда Шифокорлар миллий уюшмасининг эпидемиологик барқарорликка тегишли барча қарорлари сўзсиз бажарилиши талаб этиладиган қарорлар қаторига киради.