Bu haqida Yaponiyaning “NHK” AA xabar berdi.

Mamlakatda koronavirus pandemiyasi bilan bog‘liq epidemiologik vaziyat yana-da keskinlashgani sababli Yaponiyada favqulodda vaziyat muddati 2 oyga uzaytirildi. Olimpiya o‘yinlari tashkilotchilari musobaqani tomoshabinlarsiz o‘tkazishga qaror qilishdi.

Shuningdek, Saytama, Tiba, Kanagava va Osaka prefekturalarida ham koronavirus cheklovlari joriy qilinadi. Shu tariqa 23 iyuldan 8 avgustgacha Tokioda bo‘luvchi Olimpiada o‘yinlari vaqtida favqulodda holat eʼlon qilindi.

Bundan avvalroq, Bosh vazir Yosixide Suga matbuot anjumanida COVID-19 ga chalinish ayni kunlarda, ayniqsa, 20 yoshdan 50 yoshgacha bo‘lgan fuqarolar orasida sezilarli oshayotganini maʼlum qilgandi.

Olimpiada muxlislar bilan o‘tkazish o‘ta xavfli va koronavirus pandemiyasining to‘rtinchi to‘lqinini olib kelishi ehtimolini eʼtiborga olib, ushbu qarorni Yaponiya shifokorlar milliy uyushmasi qabul qildi.

Maʼlumot uchun, Yaponiyada Shifokorlar milliy uyushmasining epidemiologik barqarorlikka tegishli barcha qarorlari so‘zsiz bajarilishi talab etiladigan qarorlar qatoriga kiradi.