Махсус рейс билан юртимизга қайтиб келган миллат қаҳрамонлари Тошкент-3 аэропортида мутасаддилар томонидан юксак ҳурмат кўрсатилган ҳолда кутиб олинди.

Шундан сўнг, спортчилар, мураббийлар ва делегация вакиллари махсус йўналиш бўйлаб пойтахтимизнинг кўзга кўринган жойларини сайр қилишди ва яқинда барпо этилган “Янги Ўзбекистон” боғига ташриф буюришди.

Маросимнинг асосий қисми яъни ғолиб ва совриндорларни тақдирлаш маросимига навбат келди. У ерда спортчиларнинг ота-оналари, яқинлари ва кенг жамоатчилик вакиллари иштирок этишди.

Токио-2020 Паралимпия ўйинлари ғолибларига Президент совғалари – олтин медаль эгаларига «Таҳоэ» автомобили ва Тошкент шаҳридан 3 хонали уй, кумуш медаль эгасига «Траверсе» автомобили ва 2 хонали уй, шунингдек бронза медаль эгаларига «Траилблазер» автомобили ва 1 хонали уй калитларини Ўзбекистон Республикаси Бош вазири Абдулла Арипов ҳамда Ўзбекистон Республикаси Олий Мажлиси Қонунчилик палатаси спикери Нурдинжон Исмоиловлар топширишди.