Maxsus reys bilan yurtimizga qaytib kelgan millat qahramonlari Toshkent-3 aeroportida mutasaddilar tomonidan yuksak hurmat ko‘rsatilgan holda kutib olindi.

Shundan so‘ng, sportchilar, murabbiylar va delegatsiya vakillari maxsus yo‘nalish bo‘ylab poytaxtimizning ko‘zga ko‘ringan joylarini sayr qilishdi va yaqinda barpo etilgan “Yangi O‘zbekiston” bog‘iga tashrif buyurishdi.

Marosimning asosiy qismi yaʼni g‘olib va sovrindorlarni taqdirlash marosimiga navbat keldi. U yerda sportchilarning ota-onalari, yaqinlari va keng jamoatchilik vakillari ishtirok etishdi.

Tokio-2020 Paralimpiya o‘yinlari g‘oliblariga Prezident sovg‘alari – oltin medal egalariga «Tahoe» avtomobili va Toshkent shahridan 3 xonali uy, kumush medal egasiga «Traverse» avtomobili va 2 xonali uy, shuningdek bronza medal egalariga «Trailblazer» avtomobili va 1 xonali uy kalitlarini O‘zbekiston Respublikasi Bosh vaziri Abdulla Aripov hamda O‘zbekiston Respublikasi Oliy Majlisi Qonunchilik palatasi spikeri Nurdinjon Ismoilovlar topshirishdi.