Агентлик янгиликлари
Агентлик янгиликлари
Навоий ОЗК ўқувчилари ва мураббийларига “Допинг ва унинг спортчи саломатлигига таъсири” мавзусида ўқув-семинар ўтказилди
Ўзбекистон Миллий антидопинг агентлиги томонидан федерация ва ассоциациялар ва спорт таълим муассасаларида машғулотларни олиб бораётган спортчилар, спорт шифокорлари ҳамда мураббийларга “Допинг ва унинг спортчи саломатлигига таъсири” мавзусида ўқув-семинарлари ўтказиб келинмоқда.
Навбатдаги семинар Навоий Олимпия захиралари коллежида ташкил этилди. Онлайн ZOOM платформаси орқали ташкил этилган семинарда агентликнинг Антидопинг таълим дастурлари бўлими бошлиғи Зебинисо Газиева йиғилиш иштирокчиларига АДАМС тизими, терапевтик истисно ҳамда антидопинг қоидабузарликлар тўғрисида тушунчалар берди.
Ўз навбатида тингловчилар ўзларини қизиқтирган саволлари билан мурожаат қилишди ва З.Газиева томонидан керакли тавсиялар берилди. Бундай ўқув-семинарлар барча ҳудудларда ўтказиб келинмоқда.
Эслатма! Антидопинг қоидаларини бузган спортчилар, мураббийлар, шифокорлар ва бошқа шахсий таркиб вакиллари учун жазо муқаррардир!.
Миллий антидопинг агентлиги
Матбуот хизмати
