Мусобақанинг асосий йўналишида жами 40 нафарга яқин профессионал спортчилар ғолиблик учун баҳслашишди. Дастлабки кунда спринт йўналишида кечган мусобақалар муросасиз руҳда кечди. Регламентга кўра, спортчилар дастлаб 750 метр масофани сузиб ўтишди, сўнгра 20 км масофада велопойга киришишди. Учинчи босқичда триатлончилар 5 км масофани югурган ҳолда босиб ўтишди ва ғолиб ва совриндорлар маълум бўлди.

Ўзбекистон Миллий антидопинг агентлиги ҳам мазкур Осиё кубоги баҳсларида навбатдаги миссияни бажаришди. Агентлик ходимлари томонидан режага мувофиқ спортчилардан допинг-синамалар олинди.

Спортчилардан олинган допинг-синамлар Бутунжаҳон антидопинг агентлиги томонидан рўйхатдан ўтказилган махсус лабораторияларга юборилади ва натижалари кеинроқ маълум бўлади.

Ҳозирги кунда барча мамлакатларда Миллий антидопинг агентликлари самарали фаолият олиб бормоқда. Спортчиларга керакли тавсияларни беришмоқда. Шу сабабли ҳам тақиқланган моддаларни истеъмол қилиш ҳолати учрамайди деган умитдамиз.