Musobaqaning asosiy yo‘nalishida jami 40 nafarga yaqin professional sportchilar g‘oliblik uchun bahslashishdi. Dastlabki kunda sprint yo‘nalishida kechgan musobaqalar murosasiz ruhda kechdi. Reglamentga ko‘ra, sportchilar dastlab 750 metr masofani suzib o‘tishdi, so‘ngra 20 km masofada velopoyga kirishishdi. Uchinchi bosqichda triatlonchilar 5 km masofani yugurgan holda bosib o‘tishdi va g‘olib va sovrindorlar maʼlum bo‘ldi.

O‘zbekiston Milliy antidoping agentligi ham mazkur Osiyo kubogi bahslarida navbatdagi missiyani bajarishdi. Agentlik xodimlari tomonidan rejaga muvofiq sportchilardan doping-sinamalar olindi.

Sportchilardan olingan doping-sinamlar Butunjahon antidoping agentligi tomonidan ro‘yxatdan o‘tkazilgan maxsus laboratoriyalarga yuboriladi va natijalari keinroq maʼlum bo‘lаdi.

Hozirgi kunda barcha mamlakatlarda Milliy antidoping agentliklari samarali faoliyat olib bormoqda. Sportchilarga kerakli tavsiyalarni berishmoqda. Shu sababli ham taqiqlangan moddalarni isteʼmol qilish holati uchramaydi degan umitdаmiz.