Мазкур даргоҳда мураббийлардан спорт сир-асрорларини ўрганган ўқувчилар келажакда олий таълим муассасасини тамомлаб спортчи ҳамда мураббийликда фаолият олиб боришлари мумкин. Бундай ёш, иқтидорли спортчиларни келажакда етук бўлиб вояга етшаларида эса ёшликдан тўғри, ҳалол шурашишга ўргатиш асосий омил ҳисобланади.

Шу мақсадда, Ўзбекистон Миллий антидопинг агентлигининг Антидопинг таълим дастурлари бўлими бошлиғи З.Газиева ва бўлим мутахассиси Л.Эгамбердиевалар “Допинг ва унинг спортчи саломатлигига таъсири”  мавзусида ўқув-семинар ўтказишди.

Мазкур ўқув-семинарда яккакураш спорт турлари бўйича таҳсил олаётган ўқувчи-спортчилар иштирок этишди. Семинар давомида ўқувчилар ўртасида допинг тушунчасини қай даражада билиши тўғрисида қизиқарли савол жавоблар ҳам ўтказилди ва ғолиб бўлган ўқувчилар муносиб тақдирланишди.

Бундай ўқув-семинарлар Агентлик томонидан республикамиз бўйлаб, онлайн ва офлайн тарзда мунтазам ўтказиб келинмоқда. 

Эслатма! Антидопинг қоидаларини бузган спортчилар, мураббийлар, шифокорлар ва бошқа шахсий таркиб вакиллари учун жазо муқаррардир!.

Миллий антидопинг агентлиги

Матбуот хизмати