Агентлик янгиликлари
Агентлик янгиликлари
Велопойгачи 3 йилга дисквалификация қилинди
Велопойга бўйича Буюк Британия паралимпия терма жамоаси аъзоси допинг истеъмоли учун 3 йилга дисквалификация қилинди.
Кўзи ожиз велопойгачи Эрин Макбрайд 2021 йил март ойида ўқув-машғулот давомида топширган допинг-синамасида “остарин” тақиқланган моддаси аниқланганидан кейин уч йилга дисквалификация қилинди.
Ушбу ҳолат бўйича олти ой давомида текшириш ва суриштирув ишлари олиб борилган.
23-ёшли Макбрайд аввал паралимпия енгил атлетикаси билан шуғулланиб, 16 ёшида кўзи ожизлар ўртасида 400 метр масофага югуриш бўйича жаҳон чемпиони бўлган. Бу йил велоспортга ўтгач, деярли ўша заҳоти допингда қўлга тушди.
Маълумот учун айтиб ўтмоқчимиз, “остарин” тақиқланган моддаси шунингдек Токио 2020 олимпиадасида британиялик спринтер Чиджинду Уджда ҳам аниқланганди.
