Агентлик янгиликлари
Агентлик янгиликлари
Яна оғир атлетика, 3 нафар спортчи допинг сабабли дисквалификация қилинди
ITA Халқаро допинг-тестлаш агентлигининг хабарига кўра, россиялик оғир атлетикачилар Оксана Сливенко, Светлана Шимкова ва Ринат Киреевнинг допинг-синамаларида тақиқланган анаболик стероидлар аниқланганлиги сабабли дисквалификация қилинди.
Пекин-2008 Олимпиада чемпиони 69кг вазн тоифасида ҳаракат қилган 34-ёшли О.Сливенко 2 йилга дисквалификация қилинди. Дисквалификация муддати 2021 йил 1 мартдан бошланади, лекин 2012 йил 1 мартдан бошлаб бугунга қадар спортчининг барча натижалари бекор қилинди.
69 кг гача вазн тоифасида Европа ва Жаҳон чемпиони 38 ёшли С.Шимковага нисбатан ҳам 2 йиллик жазо чораси қўлланилди. У 2020 йил 16 октябрдан бошлаб икки йилга спортдан четлаштирилиб, 2012 йил 8 майдан бугунга қадар кўрсатган барча натижалари бекор қилинди.
Яна бир 35-ёшли р.Киреев 94 кг гача вазн тоифасида Европа чемпионати кумуш медали соҳиби ҳамда 85 кг гача вазн тоифасида “Универсиада-2011” ғолиби ҳисобланади. У 2019 йил 8 майдан бошлаб тўрт йилга дисквалификация қилинди, спортчининг барча натижалари 2012 йил 9 февралдан бошлаб бугунга қадар бекор қилинди.
Миллий антидопинг агентлиги
Матбуот хизмати
