Agentlik yangiliklari
Agentlik yangiliklari
Yana og‘ir atletika, 3 nafar sportchi doping sababli diskvalifikatsiya qilindi
ITA Xalqaro doping-testlash agentligining xabariga ko‘ra, rossiyalik og‘ir atletikachilar Oksana Slivenko, Svetlana Shimkova va Rinat Kireyevning doping-sinamalarida taqiqlangan anabolik steroidlar aniqlanganligi sababli diskvalifikatsiya qilindi.
Pekin-2008 Olimpiada chempioni 69kg vazn toifasida harakat qilgan 34-yoshli O.Slivenko 2 yilga diskvalifikatsiya qilindi. Diskvalifikatsiya muddati 2021 yil 1 martdan boshlanadi, lekin 2012 yil 1 martdan boshlab bugunga qadar sportchining barcha natijalari bekor qilindi.
69 kg gacha vazn toifasida Yevropa va Jahon chempioni 38 yoshli S.Shimkovaga nisbatan ham 2 yillik jazo chorasi qo‘llanildi. U 2020 yil 16 oktyabrdan boshlab ikki yilga sportdan chetlashtirilib, 2012 yil 8 maydan bugunga qadar ko‘rsatgan barcha natijalari bekor qilindi.
Yana bir 35-yoshli r.Kireyev 94 kg gacha vazn toifasida Yevropa chempionati kumush medali sohibi hamda 85 kg gacha vazn toifasida “Universiada-2011” g‘olibi hisoblanadi. U 2019 yil 8 maydan boshlab to‘rt yilga diskvalifikatsiya qilindi, sportchining barcha natijalari 2012 yil 9 fevraldan boshlab bugunga qadar bekor qilindi.
Milliy antidoping agentligi
Matbuot xizmati
