Агарда мусобақадан олдин олинган допинг-синамада тақиқланган модда аниқланадиган бўлса мусобақаларга қўйилмаслиги ва суриштирув ишларига жалб қилинган ҳолда ўз мамлакатига қайтариб юборилиши йўлга қўйилди.

Бу амалиёт қўлланилиши орқали ташкилий қўмита бир мунча ижобий натижага эришди десак муболаға бўлмайди. Жаҳон чемпиони, беш карра Европа чемпиони ва тўрт карра Паралимпия ўйинлари совриндори ҳисобланган украиналик Ярослав Денйсенко яққол мисол десак бўлади.

У Токио-2020 ўйинлари арафасида топширган допинг-синамасидан тақиқланган “гидрохлортиазид” моддаси аниқлангани учун Паралимпия ўйинларида иштирок этишдан маҳрум этилган. Шундай қилиб, комиссия қарорига кўра спортчи 2023 йил 9 августга қадар спортдан четлаштирилди.

Эслатиб ўтамиз, Ярослав Денисенко кўзи ожизлар сузиш спортида иштирок этиб, Рио-2016 Паралимпия ўйинларида 100 М ва 400 М эркин сузиш, 100 М баттерфляй ва 200 М комплекс сузиш турларида тўртта бронза медалларини қўлга киритган эди.

Миллий антидопинг агентлиги

Матбуот хизмати