Семинарда 120 дан ортиқ иштирокчи эътиборига мавзу бўйича слайдлар намойиш этилди.

Антидопинг таълим дастурлари бўлими бошлиғи доцент З.Ю.Газиева Бутунжаҳон антидопинг Кодексининг 2-моддасида “Антидопинг қоидабузарлик турлари” қайд этилганлиги ва спортчи ҳамда унинг персонали учун муҳим қоида ҳисобланиши ҳақида таъкидлаб ўтди. Антидопинг қоидабузарлик турлари 11 та бўлиб, иштирокчиларга улар ҳақида тўлиқ тушунча берилди:

-Яшаш жойи тўғрисида маълумот бериш тартибини бузиш. 12 ойлик муддат ичида рўйхатдан ўтган тестлар спортчи томонидан натижаларни бошқариш бўйича халқаро стандартда белгиланган учта ўтказиб юборилган тестлар ва/ёки ҳисобот беришдаги хатоларнинг ҳар қандай комбинацияси.

-Бунда назарда тутилган АДАМС тизими йўлга қўйилади. Бу машаққатли ном ортида Бутунжаҳон антидопинг агентлигининг (WАДА) допингга қарши курашдаги асосий воситаларидан бири ҳисобланади. Ушбу тизим интернетда жойлашган маълумотлар базасини бошқариш учун мўлжалланган. Ҳар куни ҳар бир спортчи Миллий тест пулида ёки Халқаро федерациянинг тест пулида жойлашган жой ҳақидаги маълумотларни тўлдириши керак. Бу допинг назоратчилари исталган вақтда спортчи олдига келиб намуна олишлари учун қилинган.

-Спортчи Допинг-назорат бўлими ходими уни синовдан ўтказиши мумкин бўлган куннинг бир соатини кўрсатиши керак. Бу соат 5 дан 23 соатгача бўлган оралиқда кўрсатилади. Ушбу "ойна" ҳақидаги маълумотлар имкон қадар батафсил ва долзарб бўлиши керак. Спортчи уни топиши учун турар-жой номини, кўчани, уй рақамини, кириш эшиги кодини - ҳамма нарсани кўрсатиши лозим.

Семинар давомида Наманган ОЗК раҳбарияти, спорт шифокорлари, ҳамширалари, спорт мураббийлари ва спортчи-ўқувчилар томонидан саволларга аниқ ва тўлиқ жавоб берилди. Агентлик томонидан олиб келинган тарқатма материаллар ва брошюралар берилди.