Маълумки, бугун Тошкент шаҳрининг марказий кўчаларида турли марафон масофаларига югуриш бўйича оммавий спорт тадбири бўлиб ўтди. Мазкур мусобақа барча спорт мухлислари, профессионал ва оммавий спорт вакилларини жамлаб, катта байрам кўринишида бўлиб ўтди.

Хусусан, унинг аҳамиятли жиҳати шуки, ушбу марафоннинг чинакам халқаро мавқеини таъминлаш учун унда допинг-назоратини ташкил этиш зарур эди. Шу мақсадда World Athletics Халқаро енгил атлетика федерациясининг танловига кўра, Тошкент Халқаро Марафон-2022 давомида допинг-назоратини амалга ошириш Ўзбекистон Миллий антидопинг агентлигига ишониб топширилди.

Мусобақа давомида Агентлик допинг-назоратчилари томонидан буюртмага асосан ғолиб спортчилардан жами 6 та турдаги допинг-синамалар олинди. Тадбир якунида World Athletics Халқаро енгил атлетика федерацияси техник директори Адре Хейнс ташкилот номидан Ўзбекистон Миллий антидопинг агентлиги ва унинг мутахассисларига самимий миннатдорчилик билдириб, келгусида мамлакатимизда енгил атлетика спорт турлари бўйича бўлиб ўтадиган халқаро мусобақаларида Агентлигимиз билан ҳамкорликни давом этиш ниятини билдирди.

Миллий антидопинг агентлиги
Матбуот хизмати