Агентлик янгиликлари
Агентлик янгиликлари
Агентликни 2021 йилдаги фаолияти юзасидан матбуот анжумани ўтказилди
Ўзбекистон Республикаси Президентининг 2021 йил 17 июндаги «Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида»ги ПҚ–6247-сонли қарорининг иккинчи бандига мувофиқ давлат органлари ва ташкилотлари ўз фаолиятига оид ҳисоботни кенг жамоатчилик иштирокида муҳокама қилиш учун матбуот анжуманларини ўтказиш белгиланган.
Шу муносабат билан бугун Ўзбекистон Республикаси Вазирлар Маҳкамаси ҳузуридаги Миллий антидопинг агентлиги томонидан Ахборот ва оммавий коммуникациялар агентлигида оммавий ахборот воситалари ходимлари ва кенг жамоатчилик иштирокида «Ўзбекистон Миллий антидопинг агентлиги томонидан 2021 йилда амалга оширилган ишлар ҳисоботи ва келгусидаги истиқболли режалар» мавзусида матбуот анжумани ўтказилди.
Матбуот анжуманида мутасаддилар ўтган йил давомида эришилган ютуқлар ва келгусида амалга оширилиши кўзда тутилган режалар ҳақида маълумот беришди. Ўз навбатида журналистлар ҳам ўзларини қизиқтирган саволларига етарлича жавоблар олишди.
