Галдаги йиғилиш видео-конференц алоқа шаклида ташкил этилиб, унда Ўзбекистон, Қозоғистон, Қирғизистон, Тожикистон, Туркманистон, Покистон, Афғонистон ва Монголия миллий антидопинг агентликлари раҳбарлари ва мутахассислари қатнашишди.

Мазкур тадбирнинг асосий мавзуси - "2022 йил Осиё ва Параосиё ўйинларига тайёргарлик кўриш чоғида спортчилардан назорат допинг-тестларини олиш, уларни тегишли антидопинг лабораторияларига юборишнинг логистик муаммоларини ҳал этиш, давлатлараро қўшма ва қарама-қарши допинг-назоратини ташкил этиш".

Шу билан бирга, Ўзбекистон Миллий антидопинг агентлиги бош директори ва РАДОСА вице-президенти Нодиржон Турсуновнинг ҳали допинг-назорати тўлиқ циклини йўлга қўймаган Қирғизистон, Туркманистон ва Монголия миллий антидопинг агентликларига бу борада ЎзМАДА томонидан амалий-услубий ёрдам кўрсатишни давом этишга тайёрлиги ҳақидаги таклифини томонлар маъқуллаб, аниқ иш режасини муҳокама қилиб олишди.

Эндиликда юқорида зикр этилган мамлакатларнинг миллий антидопинг агентликлари мутахассислари ўзбекистонлик ҳамкасблари томонидан допинг-тест ўтказишни режалаштириш ва ташкиллаштириш (РА&ТДП), сақлаш ва юбориш (ИСТИ), антидопинг лабораториялари билан иш юритиш (АПМУ, АБП), допинг-натижаларини таҳлил қилиш (РМ) каби муҳим йўналишлар бўйича тайёрлаб берилади.

Миллий антидопинг агентлиги

Матбуот хизмати