Албатта, ушбу нуфузли мусобақага тайёргарлик аллақачон бошлаб юборилган. Бу йўлда спортчиларни саралаш (селекция), танлаб олинган спортчиларни жисмоний ва руҳий тайёргарликларини олиб боришга алоҳида эътибор қаратилмоқда. Шу ўринда айтиб ўтиш лозим, терма жамоа сафига мунтазам равишда спортчиларни етиштириб берувчи Республика Олимпия ва Паралимпия захиралари коллежининг ўрни алоҳидадир.

Мазкур спорт таълим муассасасининг «Гандбол» спорт тури бўйича тарбияланувчиларга Ўзбекистон Республикаси Вазирлар Маҳкамаси ҳузуридаги Миллий антидопинг агентлиги Антидопинг таълим дастурлари бўлими бошлиғи С.Турсунова ва бош мутахассис Л.Умедовалар томонидан «Допинг ва унинг спортчи саломатлигига таъсири» мавзусида ўқув-семинар ўтказилди.

Суҳбат давомида бўлажак чемпионлар ўзларини қизиқтирган саволлар билан мутахассисларга юзланишди ва саволларига етарлича жавоблар олишди. Бундай тарғибот-ташвиқот ишлари барча спорт таълим муассасаларида ўтказиб келинмоқда.

Унутманг, допингга қарши кураш ҳар биримизнинг асосий вазифамиз бўлиши лозим!

Ўзбекистон Миллий антидопинг агентлиги

Ахборот хизмати