Халқаро мусобақаларда спортчилар ҳуқуқларини ҳимоя қилиш, уларга антидопинг соҳасида керакли тушунчалар бериш ва ҳалол спорт тарғиботини олиб борувчи мамлакатдаги ягона ташкилот Ўзбекистон Миллий антидопинг агентлигидир.

Агентлик томонидан устувор ҳисобланган федерация ва ассоциация спортчилари учун антидопинг қоидабузарлик турлари мунтазам тушунтириб келинмоқда. Жумладан, кеча Тошкент вилояти Бўстонлиқ туманидаги спорт базасида ўқув-машғулот йиғинини олиб бораётган эшкак эшувчиларга «Допинг ва унинг спортчи саломатлигига таъсири» мавзусида ўқув-семинари ўтказилди.

Мазкур семинарда спортчилар, мураббийлар ва спорт шифокорлари иштирок этишди. Суҳбат давомида йиғилиш иштирокчилари ўзларини қизиқтирган саволлар билан мутахассисларга юзланишди ва мутахассислар томонидан керакли тавсиялар берилди.