Семинарда Давлат хизматини ривожлантириш агентлиги масъул ходимлари жорий йилнинг 4 август куни Президент ҳузурида бўлиб ўтган «Давлат фуқаролик хизматини ислоҳ қилиш ҳамда бошқарувда натижадорликни таъминлаш чора-тадбирлари»га бағишланган видеоселектор йиғилишида белгиланган вазифалар, уларнинг ижросини таъминлаш борасида амалга ошириладиган чора-тадбирларга тўхталиб ўтилди.

Шунингдек, 8 августда юртбошимиз томонидан имзоланган, узоқ кутилган «Давлат фуқаролик хизмати тўғрисида»ги Ўзбекистон Республикаси Қонуни қабул қилинганлиги, мазкур қонун билан давлат фуқаролик хизматчиларининг ҳуқуқ-мажбуриятлари, вазифалари ҳамда уларнинг мақоми аниқ белгилаб берилганлиги тўғрисида маълумотлар бериб ўтди.

Семинар давомида иштирокчиларга тарғибот гуруҳи томонидан қонуннинг мазмун-моҳияти ва аҳамиятини кенг кенг тарғиб этишга қаратилган тақдимот орқали тушунчалар берилди.

Тарғибот семинари очиқ мулоқот, савол-жавоб тарзида бўлиб ўтди. Иштирокчилар ўзларини қизиқтирган барча саволларига мутахассислардан керакли жавоблар олишга муваффақ бўлишди.

Ўзбекистон Миллий антидопинг агентлиги

Ахборот хизмати