Seminarda Davlat xizmatini rivojlantirish agentligi masʼul xodimlari joriy yilning 4-avgust kuni Prezident huzurida boʻlib oʻtgan “Davlat fuqarolik xizmatini isloh qilish hamda boshqaruvda natijadorlikni taʼminlash chora-tadbirlari”ga bagʻishlangan videoselektor yigʻilishida belgilangan vazifalar, ularning ijrosini taʼminlash borasida amalga oshiriladigan chora-tadbirlarga toʻxtalib oʻtildi.

Shuningdek, 8-avgustda yurtboshimiz tomonidan imzolangan, uzoq kutilgan “Davlat fuqarolik xizmati toʻgʻrisida”gi Oʻzbekiston Respublikasi Qonuni qabul qilinganligi, mazkur qonun bilan davlat fuqarolik xizmatchilarining huquq-majburiyatlari, vazifalari hamda ularning maqomi aniq belgilab berilganligi toʻgʻrisida maʼlumotlar berib oʻtdi.

Seminar davomida ishtirokchilarga targʻibot guruhi tomonidan qonunning mazmun-mohiyati va ahamiyatini keng keng targʻib etishga qaratilgan taqdimot orqali tushunchalar berildi.

Targʻibot seminari ochiq muloqot, savol-javob tarzida boʻlib oʻtdi. Ishtirokchilar oʻzlarini qiziqtirgan barcha savollariga mutaxassislardan kerakli javoblar olishga muvaffaq boʻlishdi.

Oʻzbekiston Milliy antidoping agentligi

Axborot xizmati