Жумладан, жорий йилнинг 21 август куни Ўзбекистон Миллий антидопинг агентлиги бош директори А.Садиков, Спортни ривожлантириш вазирлиги мутахассиси У.Жўраев, Агентлик бўлим бошлиғи С.Турсунова ва Ф.Абдурашидовалар дастлаб, Фарғона вилоятига ташриф буюришди.

Вилоятга ташрифдан кўзланган мақсад ҳудудларда спортга берилаётган эътибор қай даражада эканлигини билиш, мавжуд камчиликларни ўз вақтида бартараф этиш ҳамда антидопинг соҳасидаги билимларини мустаҳкамлаш борасида ўрганиш ишларини олиб боришдир.

Шу мақсадда Фарғона вилоятида жойлашган спорт таълим муассасаларида амалга оширилаётган ишларни кўздан кечириш билан бир қаторда, вилоятда фаолият олиб бораётган мураббийлар, спорт шифокорлари ва спортчиларга допингга қарши курашиш бўйича тавсиялар беришдан иборат.

Фарғона вилоятига сафар давомида вилоятдаги спорт таълим муассасаларида спортчиларга яратилган шароитлар билан танишилди, профилактика мақсадида спортчилар қандай қўшимча маҳсулотларни истеъмол қилмоқда, улар истеъмол қилаётган дорилар таъқиқланган рўйхатга киритилмаганми шуларни билиш мақсадида тиббиёт хоналари кўздан кечирилди ва керакли тушунтиришлар берилди.