Agentlik yangiliklari
Agentlik yangiliklari
Mutasaddilar Fargʻonada antidoping oʻquv seminarini oʻtkazishdi
Oʻzbekiston Respublikasi Prezidentining 2021-yil 5-noyabrdagi “2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini kompleks tayyorlash toʻgʻrisida”gi qarori hamda 2022-yil 1-iyuldagi “2026-yil Milan va Kortina-dʼAmpesso shaharlarida (Italiya) boʻlib oʻtadigan XXV qishki Olimpiya va XIV Paralimpiya oʻyinlariga Oʻzbekiston sportchilarini kompleks tayyorlash toʻgʻrisida”gi qarorlari ijrosini taʼminlash maqsadida ayni kunlarda Fargʻona, Andijon va Namangan viloyatlarida xizmat safarlarida boʻlib turishibdi.
Jumladan, joriy yilning 21-avgust kuni Oʻzbekiston Milliy antidoping agentligi bosh direktori A.Sadikov, Sportni rivojlantirish vazirligi mutaxassisi U.Joʻrayev, Agentlik boʻlim boshligʻi S.Tursunova va F.Abdurashidovalar dastlab, Fargʻona viloyatiga tashrif buyurishdi.
Viloyatga tashrifdan koʻzlangan maqsad hududlarda sportga berilayotgan eʼtibor qay darajada ekanligini bilish, mavjud kamchiliklarni oʻz vaqtida bartaraf etish hamda antidoping sohasidagi bilimlarini mustahkamlash borasida oʻrganish ishlarini olib borishdir.
Shu maqsadda Fargʻona viloyatida joylashgan sport taʼlim muassasalarida amalga oshirilayotgan ishlarni koʻzdan kechirish bilan bir qatorda, viloyatda faoliyat olib borayotgan murabbiylar, sport shifokorlari va sportchilarga dopingga qarshi kurashish boʻyicha tavsiyalar berishdan iborat.
Fargʻona viloyatiga safar davomida viloyatdagi sport taʼlim muassasalarida sportchilarga yaratilgan sharoitlar bilan tanishildi, profilaktika maqsadida sportchilar qanday qoʻshimcha mahsulotlarni isteʼmol qilmoqda, ular isteʼmol qilayotgan dorilar taʼqiqlangan roʻyxatga kiritilmaganmi shularni bilish maqsadida tibbiyot xonalari koʻzdan kechirildi va kerakli tushuntirishlar berildi.
