Шунга мувофиқ, Ўзбекистон Миллий антидопинг агентлиги мамлакатимизда фаолият олиб бораётган федерация ва ассоциация спортчи, спорт шифокорлари ва мураббийларига антидопинг ўқув семинарларини ўтказиб келмоқда.

Жумладан, бугун Спортни ривожлантириш вазирлиги мажлислар залида Ўзбекистон Замонавий бешкураш федерацияси ҳамда Ўзбекистон Триатлон федерацияси мураббийлари, спорт шифокорлари ҳамда спортчиларига антидопинг қоидалари юзасидан антидопинг ўқув-семинари ўтказилди.

Агентлик ходимлари томонидан спортчилардан допинг синамаларни олиш жараёни шунингдек, антидопинг қоидабузарликлар юзасидан тушунтириш берилди.

Семинар якунида иштирокчилар ўзларини қизиқтирган саволлар билан юзланишди ва мутахассислар томонидан керакли тушунчалар берилди.