Agentlik yangiliklari
Agentlik yangiliklari
Qo‘shma antidoping o‘quv-seminari tashkil etildi
Oʻzbekiston Milliy antidoping agentligi, Sportni rivojlantirish vazirligi, Milliy Olimpiya qoʻmitasi va Milliy paralimpiya qoʻmitalari tomonidan tasdiqlangan “2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlashda doping qoʻllanilishini oldini olish va dopingga qarshi kurashish boʻyicha chora-tadbirlari toʻgʻrisida”gi dasturi va Oʻzbekiston Respublikasi Prezidentining 2021-yil 5-noyabrdagi PQ–5280-son qarori ijrosini taʼminlash maqsadida 2022-yilning 18-oktyabr kuni Sportni rivojlantirish vazirligi binosida qoʻshma tadbir tashkil etildi
Shunga muvofiq, O‘zbekiston Milliy antidoping agentligi mamlakatimizda faoliyat olib borayotgan federatsiya va assotsiatsiya sportchi, sport shifokorlari va murabbiylariga antidoping o‘quv seminarlarini o‘tkazib kelmoqda.
Jumladan, bugun Sportni rivojlantirish vazirligi majlislar zalida O‘zbekiston Zamonaviy beshkurash federatsiyasi hamda O‘zbekiston Triatlon federatsiyasi murabbiylari, sport shifokorlari hamda sportchilariga antidoping qoidalari yuzasidan antidoping o‘quv-seminari o‘tkazildi.
Agentlik xodimlari tomonidan sportchilardan doping sinamalarni olish jarayoni shuningdek, antidoping qoidabuzarliklar yuzasidan tushuntirish berildi.
Seminar yakunida ishtirokchilar o‘zlarini qiziqtirgan savollar bilan yuzlanishdi va mutaxassislar tomonidan kerakli tushunchalar berildi.
