Шу мақсадда Агентлик томонидан Республикамизнинг барча ҳудудларига борган ҳолда спорт шифокорлари, мураббийлар ва спортчиларга антидопинг ўқув семинарлари ўтказиб келинмоқда.

Навбатдаги антидопинг ўқув-семинари пара енгил атлетика спорт тури билан шуғулланувчи атлетларимиз билан ўтказилди. Табиийки, паралимпия спорт тури билан шуғулланувчи спортчилардан икки карра кўпроқ машғулотлар қилиш ва қўшимча озуқалар истеъмол қилиш талаб этилади.

Спортчилар истеъмол қилаётган дори воситалари ёки қўшимча озуқалар таркибида Бутунжаҳон антидопинг агентлиги томонидан ҳар йили янгилаб бориладиган тақиқланган дори воситалари мавжуд эмаслигини алоҳида назорат қилиш ва тушунтириш ишларини олиб бориш лозим.

Агентлик томонидан ўтказилган семинарда шу масалаларга ҳам алоҳида тўхталиб ўтилди. Семинар давомида тақиқланган дори воситалари тўғрисида, АДАМС тизимидаги профилларини ўз вақтида тўлдириб боришлари ва допинг назорати ходимлари билан қандай мулоқот қилиш лозимлиги бўйича тушунтиришлар берилди.

Спортчилар томонидан берилган саволларга мутахассислар томонидан керакли жавоблар берилди.