Жумладан, куни кеча Тошкент вилоятида ўқув-машғулот олиб бораётган бокс бўйича терма жамоа аъзолари билан учрашув ўтказилди. Мазкур семинарда 30 га яқин спортчилар ва спорт шифокорлари ҳамда мураббийлар иштирок этишди.

Ҳозирги кунда жаҳон ареналарида юқори ўринларни эгаллаб келаётган боксчиларимизга истеъмол қилаётган дори воситалари ёки қўшимча озуқалар таркибида тақиқланган дори воситалари мавжуд эмаслигини алоҳида назорат қилиш ва тушунтириш ишларини олиб бориш лозим.

Агентлик мутахассислари томонидан антидопинг қоидабузарликлари, терапевтик истиснолар ва АДАМС платформаси бўйича тушунчалар берилди. Семинар давомида спортчилар ўзларини қизиқтирган саволлар билан мурожаат қилишди ва мутахассислар томонидан керакли тавсиялар берилди.