Ўзбек ва турк халқлари яхшию ёмон кунларда ҳамиша бирга бўлган, бир-бирини қўллаб-қувватлаган. Бу дўстлик, қардошлик ва ўзаро елкадошлик ҳозиргидай оғир кунларда янада билинади.

Ўзбекистон Республикаси Миллий антидопинг агентлиги офат оқибатларини қалбига яқин олиб, чуқур қайғу ва ҳамдардлик ҳисини туйди. Оғир кунларни бошидан ўтказаётган турк халқи ҳамда Туркия антидопинг қўмитаси билан ҳамкорликни давом эттириш ва қандай ёрдам керак бўлса ҳамиша тайёр эканлигини билдиради.

Парвардигордан марҳумларни ўз раҳматига олишини, уларнинг оиласи ва яқинларига сабр-тоқат ва бардамлик беришини тилаймиз.