Мазкур қарорда республикадаги спорт таълим муассасаларида антидопинг ўқув-семинарларини ўтказиш ва тарғибот ишларини олиб бориш вазифаси юклатилган. Мазкур қарор ижросини таъминлаш мақсадида Ўзбекистон Миллий антидопинг агентлиги томонидан малака ошириш курслари ва антидопинг ўқув-семинарлари ўтказилмоқда.

Шунингдек, Ўзбекистон Республикаси Миллий антидопинг агентлиги томонидан “Допингга қарши кураш” мавзусида туркум тарқатма материаллар базаси яратилди ва Ёшлар сиёсати ва спорт вазирлиги кўмагида республикадаги спорт муассасаларига тарқатилди.

Жумладан, Наманган вилоятидаги спорт муассасаларида "Допингга қарши кураш" ташвиқот ва тарғибот тадбирлари ва тематик кўргазма материалларидан спорт шифокорлари, мураббийлар ва спортчилар фойдаланмоқда.

Бундай тарғибот ишларидан кўзланган асосий мақсад допингнинг салбий оқибатлари тўғрисида спортчилар билан бир қаторда спорт шифокорлари ва мураббийлар, қўйингки барча соҳага алоқадор инсонлар билиши ва ҳалол рақобат муҳитини шакллантиришдир.