Mazkur qarorda respublikadagi sport taʼlim muassasalarida antidoping o‘quv-seminarlarini o‘tkazish va targ‘ibot ishlarini olib borish vazifasi yuklatilgan. Mazkur qaror ijrosini taʼminlash maqsadida O‘zbekiston Milliy antidoping agentligi tomonidan malaka oshirish kurslari va antidoping o‘quv-seminarlari o‘tkazilmoqda.

Shuningdek, O‘zbekiston Respublikasi Milliy antidoping agentligi tomonidan “Dopingga qarshi kurash” mavzusida turkum tarqatma materiallar bazasi yaratildi va Yoshlar siyosati va sport vazirligi ko‘magida respublikadagi sport muassasalariga tarqatildi.

Jumladan, Namangan viloyatidagi sport muassasalarida "Dopingga qarshi kurash" tashviqot va targ‘ibot tadbirlari va tematik ko‘rgazma materiallaridan sport shifokorlari, murabbiylar va sportchilar foydalanmoqda.

Bunday targ‘ibot ishlaridan ko‘zlangan asosiy maqsad dopingning salbiy oqibatlari to‘g‘risida sportchilar bilan bir qatorda sport shifokorlari va murabbiylar, qo‘yingki barcha sohaga aloqador insonlar bilishi va halol raqobat muhitini shakllantirishdir.