Агентлик янгиликлари
Агентлик янгиликлари
Фахрийлар доим ардоқда
Ўзбекистон Республикаси Президентининг 2023 йил 1 июндаги “Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида»ги ПФ–82-сонли Фармони ижросини таъминлаш ва эҳтиёжманд аҳоли, ногиронлиги бўлган шахслар ҳамда ёлғиз кексалар ҳолидан хабар олиш, уларга ғамхўрлик қилиш мақсадида қатор ишлар амалга ошириб келинмоқда.
Мазкур фармонда назарда тутилган “Меҳр ва саховат куни” доирасида меҳрга муҳтож, эҳтиёжманд аҳоли, ногиронлиги бўлган шахслар ва ёлғиз кексаларга ёрдам кўрсатиш тадбирлари ўтказиб келинмоқда.
Жумладан, Агентлик ходимлари “Тошкент йўлбарси” Руфат Рисқиев хонадонига ташриф буюришди ва эсдалик совғалари ҳамда мамлакатимизда ўзбек спорти, хусусан, ҳалол спорт тарғиботи йўлидаги ташаббускорлиги шунингдек, бокс спортини РИВОЖЛАНТИРИШДАГИ улкан хизматлари учун ташаккурнома тақдим этилди.
Фахрий спортчимиз Руфат Рисқиев давлатимиз томонидан кўрсатилаётган эътибор ва ғамхўрликдан мамнун эканлигини таъкидлади. Шу ўринда Президентимиз ҳамда бундай хайрли ишга бош бўлганлар ва халқимизнинг тинчлик-хотиржамлиги, саломатлиги учун дуо қилди.
