Mazkur farmonda nazarda tutilgan “Mehr va saxovat kuni” doirasida mehrga muhtoj, ehtiyojmand aholi, nogironligi boʻlgan shaxslar va yolgʻiz keksalarga yordam koʻrsatish tadbirlari oʻtkazib kelinmoqda.

Jumladan, Agentlik xodimlari “Toshkent yoʻlbarsi” Rufat Risqiyev xonadoniga tashrif buyurishdi va esdalik sovgʻalari hamda mamlakatimizda oʻzbek sporti, xususan, halol sport targʻiboti yoʻlidagi tashabbuskorligi shuningdek, boks sportini RIVOJLANTIRISHDAGI ulkan xizmatlari uchun tashakkurnoma taqdim etildi.

Faxriy sportchimiz Rufat Risqiyev davlatimiz tomonidan koʻrsatilayotgan eʼtibor va gʻamxoʻrlikdan mamnun ekanligini taʼkidladi. Shu oʻrinda Prezidentimiz hamda bunday xayrli ishga bosh boʻlganlar va xalqimizning tinchlik-xotirjamligi, salomatligi uchun duo qildi.