Агентлик янгиликлари
Агентлик янгиликлари
Navbatdagi malaka oshirish kursi Surxondaryoda oʻtkazilmoqda
Oʻzbekiston Respublikasi Prezidentining 2023-yil 8-maydagi “Maʼmuriy islohotlar doirasida Oʻzbekiston Respublikasi Milliy antidoping agentligi faoliyatini samarali tashkil qilish chora-tadbirlari toʻgʻrisida”gi PQ–149-sonli qarori qabul qilindi.
Ushbu qaror ijrosini taʼminlash maqsadida agentlik tomonidan ishlab chiqilgan reja grafik asosida respublikada faoliyat olib borayotgan sport shifokorlari va murabbiylariga antidoping malaka oshirish kurslari tashkil qilib kelinmoqda.
Navbatdagi antidoping malaka oshirish kursi Surxondaryo viloyatida tashkil etilmoqda. 3 kunga moʻljallangan oʻquv seminarda antidoping qoidabuzarliklar, ADAMS platformasidan samarali foydalanish, doping sinama topshirish jarayonida sportchi va uning vakilining huquq va majburiyatlari hamda ADEL platformasidan foydalanish yuzasidan tushuntirishlar berilmoqda.
Seminar yakunida ishtirokchilarni oʻzlashtirish darajasiga qarab maxsus sertifikatlar taqdim etiladi. Maʼlumot uchun aytib oʻtmoqchimiz, yil boshidan beri shu kunga qadar 1200 dan ziyod sport shifokori va murabbiylar oʻqitildi hamda sertifikatlar taqdim etilgan.
