Қарорда белгиланган топшириқлар ижросини таъминлаш мақсадида Агентлик томонидан узоққа мўлжалланган дастур ишлаб чиқилди. Дастурда – спортчилар ва тренерларни «шаффоф спорт»га тарғиб қилиш, спортда фармакологик таъсирга эга дори препаратлари ва бошқа моддалардан тўғри фойдаланиш борасида спортчилар, тренерларнинг маданияти ва саводхонлигини ошириш тадбирларини ўтказиш, спортчиларни антидопинг мавзуларига оид тегишли ўқув-ахборот материаллари ва турли кўргазмали маълумотлар билан таъминлаш ҳамда спортчилар томонидан антидопинг қоидаларига қатъий риоя қилиниши устидан самарали антидопинг назоратини амалга ошириш назарда тутилган.

Дастурда белгиланган вазифалар ижросини таъминлаш мақсадида бугун Тошкент фармацевтика институти мутахассислари Агентлигимизга ташриф буюришди. Учрашув давомида мутахассислар спортда тақиқланган дори воситалари инсон саломатлигига таъсири тўғрисида сўз олиб боришди.

 “Баъзи спортчиларни ўзлари бизни олдимизга келиб, мен тақиқланган дори истеъмол қилганман бир ҳафтадан сўнг мусобақам бор менга допинг аниқланмайдиган дорилардан беринг дейиш ҳолатлари кўп учрайди”, дейди Тошкент фармацевтика институти мутахассислари.

Учрашув якунида режа асосида Республика бўйлаб ўқув-семинарлар ўтказиш бўйича келишувга эришилди.

Ўзбекистон Миллий антидопинг агентлиги

Ахборот хизмати