Buni yetti yoshdan yetmish yoshgacha bo‘lgan aholining turli qatlamlaridagi sport ixlosmandlari qiziqish bildirayotganidan ham bilsa bo‘ladi.

Badminton sport turi nafaqat O‘zbekistonda, balki Osiyo va Yevropa mamlakatlarida ham rivojlanib borayotgan sport turlaridan biridir. Hozirgi kunda mazkur sport turi bo‘yicha Xalqaro va milliy chempionatlar o‘tkazib kelinmoqda. Barcha sport turlarida bo‘lgani kabi badmintonda ham professional sportchilar tomonidan taqiqlangan moddalarni isteʼmol qilish holatlari kuzatilmoqda. Bu esa achinarli.

Kuni kecha Toshkentda o‘tkazilgan mamlakat birinchiligida ishtirok etayotgan sportchilar bilan O‘zbekiston Milliy antidoping agentligining Antidoping taʼlim dasturlari bo‘limi xodimlari ishtirokida doping nima, uning zararli omillari haqida tushuntirishlar berildi.

Bunday davra suhbatlari va o‘quv-seminarlarini o‘tkazishdan asosiy maqsad bo‘lajak chempionlarni halol sport ruxida tarbiyalashdan iboratdir.

Eslatma! Antidoping qoidalarini buzgan sportchilar, murabbiylar, shifokorlar va boshqa shaxsiy tarkib vakillari uchun jazo muqarrardir!.