Futbol boʻyicha U-23 Osiyo Kubogi—2022 musobaqasining 1/4 finali doirasida Oʻzbekiston U-23 terma jamoasi Iroq bilan bahs olib bordi.
Asabiy tarzda boshlangan bahsning 19-daqiqasida Abduvohid Neʼmatov raqibga nisbatan qoʻpollik qildi deb topildi va bosh hakam maydondan chetlatdi hamda darvozamiz tomon penalti belgiladi.
Minglab muxlislari koʻz oʻngida futbolchilarimiz haqiqiy matonat koʻrsata boshlashdi. Nafaqat hisob tenglashtirildi, ikkinchi boʻlimda oldinga ham oʻtib oldik.
68-daqiqaga kelib, Iroq muvozanatni tikladi — 2:2. Ushbu hisob qoʻshimcha taymlarda ham oʻzgarmadi.
Penaltilar seriyasida Oʻzbekiston U-23 jamoasi 3:2 hisobida gʻalaba qozondi.
Endi yoshlarimiz yarim finalda Janubiy Koreya va Yaponiya uchrashuvi gʻolibi bilan bahs olib boradi.
Oʻzbekiston U-23 — Iroq U-23 2:2
Penaltilar seriyasi — 3:2.