Bugun, 15-iyun kuni “Bunyodkor” stadionida 23 yoshgacha boʻlgan futbolchilar oʻrtasidagi Osiyo Kubogining ikkinchi yarim finali boʻlib oʻtdi. Unda Oʻzbekiston Olimpiya terma jamoasi yaponiyalik tengqurlarini 2:0 hisobida magʻlub etdi.
Dastlab Jasur Jaloliddinovning 60-daqiqada kiritgan goli hisobni ochib berdi. Ikkinchi taym soʻnggida Husain Norchayev birga-bir vaziyatdan unumli foydalanib, farqni yiriklashtirdi.
Shunday qilib, Oʻzbekiston yoshlar terma jamoasi final yoʻllanmasini qoʻlga kiritdi. Endi hal qiluvchi bahsda Kapadze shogirdlariga Saudiya Arabistoni yoshlari raqiblik qiladi.
Final bahsi 19-iyun kuni “Bunyodkor” stadionida boʻlib oʻtadi.