Mazkur qaror bilan Agentlikka qator vazifalar yuklatilgan.

Jumladan, Oʻzbekiston Respublikasi Milliy antidoping agentligi mezbonligida joriy yilning 13-14-sentyabr kunlari boʻlib oʻtishi rejalashtirilgan Mintaqaviy antidoping agentligi (RADOCA) hisobot yigʻilishi mezbonligi mamlakatimizga ishonib topshirilgan edi.

Bugun mazkur nufuzli tadbirning ochilish marosimi boʻlib oʻtdi. Unda, Yoshlar siyosati va sport vaziri A.Ikramov kirish soʻzi bilan tadbirni ochib berdi. Oʻzbekiston Milliy antidoping agentligi direktori A.Sadikov yigʻilish ishtirokchilariga mamlakatimizda koʻrib turganidan bagʻoyat xursand ekanligini bildirdi. Shuningdek, Milliy olimpiya qoʻmitasi Bosh kotibi O.Kasimov, Butunjahon antidoping agentligi (WADA) bosh mennedjeri E.Lukotsiutelar ham soʻzga chiqib, tadbir yuzasidan iliq fikrlar bildirishdi. Shundan soʻng esdalik uchun suratga tushish marosimi boʻlib oʻtdi va sessiya oʻz ishini boshladi.

Bir vaqtning oʻzida Oʻzbekiston Milliy antidoping agentligi xodimlari va Qozogʻiston hamda Mongoliyadan tashrif buyurgan xodimlarga Butunjahon antidoping agentligi mutaxassislari tomonidan trening mashgʻuloti ham oʻtkazilmoqda.

Ayni daqiqalarda tadbirning ikkinchi qismi boʻlib oʻtmoqda.