Agentlik yangiliklari
Agentlik yangiliklari
Farg‘onadagi sport taʼlim muassasalari vakillariga talim-uznada.uz va dori-uznada.uz platformalari yuzasidan maʼlumotlar berildi
O‘zbekiston Respublikasi Prezidentining «Maʼmuriy islohotlar doirasida Milliy antidoping agentligi faoliyatini samarali tashkil qilish chora-tadbirlari to‘g‘risida»gi PQ-149-sonli qarori ijrosini taʼminlash maqsadida sportchilar, murabbiylar va sport shifokorlari hamda ularning vakillari uchun platformalar Agentlik tomonidan ishga tushirilgan.
Shu maqsadda Farg‘ona viloyatida faoliyat olib borayotgan sport shifokorlari, murabbiylar va sportchilar uchun antidoping qoidabuzarliklar hamda “Antidoping taʼlim elektron platformasi” shuningdek, O‘zbekistonda ro‘yxatdan o‘tgan dori vositalari tarkibida taqiqlangan moddalar mavjudligini tekshirish uchun mo‘ljallangan “Sportda taqiqlangan moddalarni tekshirish milliy platforma”si yuzasidan tushuntirish ishlarini olib borildi.
Seminar davomida ishtirokchilar o‘zlarini qiziqtirgan savollar bilan murojaat qilishdi va mutaxassislar tomonidan kerakli tavsiyalar berildi.
“Antidoping taʼlim elektron platformasi”dan foydalanish uchun talim-uznada.uz saytiga kirishingiz mumkin.
“Sportda taqiqlangan moddalarni tekshirish milliy platformasi”dan foydalanish uchun dori-uznada.uz saytiga kirishingiz mumkin.
“Antidoping taʼlim elektron platformasi” orqali o‘quv kursni yakunlaganingizdan so‘ng 2025-yildan boshlab respublika chempionatlarida talab qilinadigan QR kodli maxsus sertifikat taqdim etiladi.
