O‘zbekiston Respublikasi Milliy antidoping agentligi 2025-yil uchun ishlab chiqilgan “Antidoping taʼlimoti” o‘quv-rejasiga asosan federatsiya va assotsiatsiyalar sportchi, murabbiy va sport shifokorlari uchun antidoping o‘quv seminarini boshladi.

Agentlik mutaxassislari tomonidan Toshkent shahrida o‘quv mashg‘ulot yig‘ini olib borayotgan futzal bo‘yicha O‘zbekiston ayollar terma jamoasi aʼzolari uchun seminar tashkil etildi. Seminar davomida “Doping nima?”, “Sportchilar uchun antidoping taʼlim elektron platformasi”, “Sportda taqiqlangan dori vositalarini tekshirish milliy platformasi”, ADAMS platformasidan to‘g‘ri foydalanish hamda Antidoping qoidabuzarlik turlari mavzulari bo‘yicha tushuntirish ishlarini olib borishdi.

Seminar yakunida ishtirokchilar o‘zlarini qiziqtirgan barcha savollarga to‘liq javob olishdi.

“Antidoping taʼlim elektron platformasi”dan foydalanish uchun talim-uznada.uz saytiga kirishingiz mumkin. “Sportda taqiqlangan moddalarni tekshirish milliy platformasi”dan foydalanish uchun dori-uznada.uz saytiga kirishingiz mumkin.