Unda 70 nafardan ortiq viloyat va milliy terma terma jamoa a‘zolari hamda ularning murabbiylari ishtirok etdi. Ushbu seminar to‘rt qismdan iborat tarzda tashkil etildi. Birinchi qism milliy terma jamoa a‘zolari uchun, ikkinchi qism milliy terma jamoa murabbiylari uchun, uchinchi qism hududlardagi og‘ir atletika sportchilari uchun va to‘rtinchi qism mamlakatimizda faoliyat yuritayotgan og‘ir atletika murabbiylari uchun bo‘lib o‘tdi.

Seminar onlayn va oflayn ko‘rinishida o‘tkazildi. Hususan, milliy terma jamoa a‘zolari va murabbiylari O‘zbekiston davlat jismoniy tarbiya va sport universitida bevosita ishtirok etishgan bo‘lsa, hududlardagi sportchi va murabbiylar Zoom platformasi orqali onlayn tarzda qatnashdi. Har bir qismi uch soatdan iborat bo‘lgan ushbu seminarda umumiy hisobda 100 nafardan ortiq sportchi va murabbiylar o‘zlarining Antidoping qoidalari bo‘yicha bilimlarini mustahkamlab oldi.